Святитель Тихон, Патриарх Московский и всея России.

 ФЕНИКС   На связи с единомышленниками           

 Поддержка проекта 

Авторизуйтесь с помощью соцсетей и служб

Святитель Тихон, Патриарх Московский и всея России.

Автор
Опубликовано: 20 дней назад ( 9 октября 2020)
+1
: 1

Тропарь, глас 3:

В годи́ну тя́жкую Бо́гом избpа́нный в совеpше́нной свя́тости и любви́ Бо́га пpосла́вил еси́, во смиpе́нии вели́чие, в пpостоте́ и кpо́тости си́лу Бо́жию явля́я, положи́л ду́шу за Це́pковь, за лю́ди своя́, испове́дниче патpиа́pше свя́те Ти́хоне, моли́ Хpиста́ Бо́га, Ему́же соpаспя́лся еси́, и ны́не спасти́ зе́млю Ру́сскую и па́ству Твою́.

Кондак, глас 2:

Ти́хостию нра́ва укра́шен, кро́тость и милосе́рдие ка́ющимся явля́яй, во испове́дании правосла́вныя ве́ры и любви́ ко Го́споду тверд и непрекло́нен пребы́л еси́, святи́телю Христо́в Ти́хоне, моли́ся о нас да не разлучи́мся от любве́ Бо́жия, я́же о Христе́ Иису́се, Го́споде на́шем.

Молитва:

О па́стырю наш до́брый, святы́й вели́кий патриа́рше Ти́хоне! я́ко град го́рний ты яви́лся еси́, до́брая дела́ твоя́ и до ны́не све́тятся пред челове́ки. Ве́мы, я́ко ты, предстоя́ Престо́лу Пресвяты́я Тро́ицы, ве́лие и́маши дерзнове́ние в моли́твах пред Го́сподем. Воззри́ и ны́не на нас гре́шных и недосто́йных чад твои́х, к тебе́ бо я́ко иму́щему ве́лие дерзнове́ние пред Творце́м вся́ческих, ны́не припа́даем и усе́рдно мо́лимся: умоли́ Го́спода, да пода́ст нам реши́мость стяжа́ти благоче́стие отце́в на́ших, его́же ты стяжа́л еси́ от ю́ности твоея́. Ты в житии́ свое́м ре́вностный защи́титель и храни́тель и́стинныя ве́ры был еси́, помози́ и нам незы́блему соблюсти́ ве́ру правосла́вную. Ти́хая бо душа́ твоя́ зело́ преуспе́ла в Боже́ственном смиренному́дрии: научи́ и нас ра́зум наш пита́ти не многомяте́жною му́дростию челове́ческою, но смире́нным позна́нием во́ли Бо́жией. Ты пред лице́м лю́тых враго́в Христо́вых и́стиннаго Бо́га дерзнове́нно испове́дал еси́: моли́твою свое́ю укрепи́ нас, малоду́шных, да и мы всегда́ и всю́ду противоста́нем ду́ху безбо́жия и льсти. Ей, уго́дниче Бо́жий, не пре́зри нас, моля́щихся тебе́, и́бо не то́кмо от бед и скорбе́й избавле́ние про́сим, но си́лы и тве́рдости, великоду́шия и любве́ про́сим, да́бы претерпева́ти о́ныя напа́сти, возстаю́щия на ны. Испроси́ нам неосла́бное терпе́ние да́же до конца́ жития́ на́шего, мир с Го́сподом и грехо́в отпуще́ние. О́тче святы́й! Укроти́ в стране́ на́шей ве́тры неве́рия и сму́ты, да водвори́т Госпо́дь на земли́ Росси́йстей тишину́ и благоче́стие и любо́вь нелицеме́рную: моли́твами твои́ми да сохрани́т ю́ от междоусо́бныя бра́ни, да укрепи́т святу́ю Це́рковь на́шу Правосла́вную: да не оскуде́ет она́ и́стинными па́стырьми, до́брыми де́лательми, пра́во пра́вящими сло́во ева́нгельской и́стины; упаси́ и заблу́ждшия о́вцы ста́да Христо́ва. Наипа́че же моли́ Го́спода сил, да возроди́тся Ру́сская земля́ святы́м покая́нием и еди́ным се́рдцем и еди́ными усты́ просла́вит ди́внаго во святы́х Свои́х Бо́га в Тро́ице сла́вимаго Отца́, и Сы́на, и Свята́го Ду́ха, во ве́ки веко́в. Ами́нь.

Величание:

Велича́ем тя, святи́телю о́тче Ти́хоне, и чтим святу́ю па́мять твою́, ты бо мо́лиши за нас Христа́ Бо́га на́шего.
28 просмотров

Читайте также:

  • Тринадцатый Патриарх Московский и всея Руси Алексий I.
    Тринадцатый Патриарх Московский и всея Руси Алексий I.

    Святейший Патриарх Алексий I родился в Москве 27 октября 1877 г. в православной семье. Владимир Андреевич Симанский, отец Патриарха Алексия I. В 1888 г. Сергей Симанский поступил в первый ги...

  • Тихон Страстной
    Тихон Страстной

    26 августаДата по старому стилю:13 августаНа Руси в этот день чествовали Тихона Задонского (в миру — Тимофей Савельевич Соколов), церковного деятеля и богослова 18 века. Он считается крупнейшим пра...

  • Святейший Патриарх Кирилл.
    Святейший Патриарх Кирилл.

    Патриарх Кирилл является Предстоятелем Русской Православной Церкви и признан одним из самых влиятельных и уважаемых людей нашего времени. Факты его жизни подтверждают истинное предназначение чел...

  • Московский Планетарий.
    Московский Планетарий.

Комментарии (0)

Нет комментариев. Ваш будет первым!

Новости блогов

1 час назад
10 часов назад
1 день назад
1 день назад
1 день назад
2 дня назад
2 дня назад